सुर्खेत । सुर्खेतको वीरेन्द्रनगरस्थित कटकुवा क्षेत्रमा बस दुर्घटनामा परेको छ । सोमबार दिउँसो बस दैलेखको दुल्लू नगरपालिकादेखि वीरेन्द्रनगरतर्फ आउँदै गरेको कर्णाली प्रदेश ०२–००१ ख ०८५२ नम्बरको मिनि बस दुर्घटना हुँदा दुई जनाको घटनास्थलमै मृत्यु भएको छ ।
मिनि बसमा सवारहरु घाइतेहरुको उद्दार कार्य भइरहेको जिल्ला प्रहरी कार्यालय सुर्खेतका सुचना अधिकारी वीरेन्द्रवीर विश्वकर्माले जानकारी दिए ।
‘बसमा १५ जना भन्दा बढी भएको अनुमान भइरहेको छ, घाइतेलाई उद्दार गर्दै अस्पताल पु¥याइरहेका छौँ,’उनले भने, ‘मृतकको पहिचान खुलेको छैन भने घाइतेहरुको विवरण संकलन भइसकेको छैन ।’
घाइतेहरुलाई उद्दार गर्दै प्रदेश अस्पताल पठाउने काम भइरहेको छ ।
