रुकुम पश्चिम । सानीभेरी गाउँपालिका–८ एकान्तमा विद्युतीय गाडी (ईभी)को ठक्करबाट आमाछोरीको मृत्यु भएको छ।
आइतबार मध्यपहाडी लोकमार्गमा बाटो काट्ने क्रममा ईभीले ठक्कर दिँदा स्थानीय २६ वर्षीया स्वस्तिका पौडेल र उनकी २ वर्षीया छोरी शान्दिका ज्ञवाली गम्भीर घाइते भएका थिए।
दुर्घटनापछि आमाछोरीलाई तत्काल उपचारका लागि जिल्ला अस्पताल सल्ले लगिएको थियो। तर, अस्पताल पुर्याएपछि उपचारकै क्रममा बिहान ९ः३० बजे चिकित्सकले दुवैलाई मृत घोषणा गरेका हुन्।
दुर्घटनामा संलग्न ईभी चालक २२ वर्षीय अम्मर विकलाई प्रहरीले नियन्त्रणमा लिएको छ। घटनाबारे थप अनुसन्धान भइरहेको प्रहरीले जनाएको छ।
