काठमाडौं । नेपाल आयल निगमले पेट्रोलियम पदार्थको मूल्य घटाएको छ। निगमको निर्णयअनुसार पेट्रोलमा प्रतिलिटर २० रुपैयाँ, डिजेल तथा मट्टितेलमा प्रतिलिटर ३० रुपैयाँ र खाना पकाउने एलपी ग्यासमा प्रतिसिलिन्डर १०० रुपैयाँले मूल्य कटौती गरिएको हो।
नयाँ मूल्यसूची १७ गतेदेखि लागू हुनेछ। काठमाडौंसहित तेस्रो वर्गका क्षेत्रमा पेट्रोलको मूल्य प्रतिलिटर १९७ रुपैयाँ र डिजेलको मूल्य १९५ रुपैयाँ कायम गरिएको छ। एलपी ग्यासको नयाँ मूल्य प्रतिसिलिन्डर २०६० रुपैयाँ तोकिएको निगमले जनाएको छ।
अन्तर्राष्ट्रिय बजारमा मूल्य घट्नुका साथै भारतीय आयल कर्पोरेसनबाट प्राप्त नयाँ खरिद दरका आधारमा मूल्य समायोजन गरिएको निगमको भनाइ छ।
