कालिकोट । जुम्लाबाट सुर्खेततर्फ उपचारका लागि जाँदै गरेको हिमा गाउँपालिकाको एम्बुलेन्स बुधबार कालिकोटमा दुर्घटनाग्रस्त हुँदा २ जनाको घटनास्थलमै मृत्यु भएको छ भने २ जना घाइते भएका छन्।
कालिकोट जिल्लाको खाँडाचक्र नगरपालिका–२ अन्तर्गत कर्णाली राजमार्गको मेघरखोला नजिक उक्त एम्बुलेन्स दुर्घटनामा परेको हो। एम्बुलेन्समा चालकसहित ४ जना सवार रहेका थिए।
स्थानीयका अनुसार दुर्घटनापछि तत्कालै उद्धार कार्य सञ्चालन गरिएको थियो। जिल्ला प्रहरी कार्यालय कालिकोट, सशस्त्र प्रहरी बल तथा ट्राफिक प्रहरीको टोलीले घाइतेहरूलाई उद्धार गरी जिल्ला अस्पताल कालिकोटमा पुर्याएको हो।
उद्धारपछि २ जना कालिकोट जिल्ला अस्पतालमा उपचार भैरहेको जिल्ला स्वास्थ्य सेवा कार्यालय कालिकोटले जनाएको छ । अस्पताल ल्याइएका मध्ये २ जना उपचाररत रहेको बताईएको छ ।
दुर्घटनाको कारण खुल्न बाँकी रहेको छ भने घटनाबारे थप अनुसन्धान भइरहेको छ। यस सम्बन्धमा विस्तृत विवरण आउन बाँकी रहेको छ।
