सुर्खेत । कर्णाली आमसञ्चार तथा सूचना प्रविधि विधेयक प्रदेश सभामा टेबुल भएको छ । आइतबार बसेको छैठौँ अधिवेशनको २६ औं बैठकमा सरकारकातर्फबाट सरकारका प्रवक्ता तथा भूमि व्यवस्था, कृषि तथा सहकारी मन्त्री विनोद कुमार शाहले टेबुल गर्नु भएको हो ।
सरकारले प्रदेश भित्र स्थापना भएका र सञ्चालनमा रहेका सञ्चारमाध्यमको दर्ता, अभिलेखीकरण, नवीकरण, नियमन तथा स्वतन्त्र, निष्पक्ष, मर्यादित र जवाफदेही सञ्चार माध्यम र आमसञ्चार तथा सूचना प्रविधिको क्षेत्रको विकास प्रवद्र्धन र सञ्चार क्षेत्रमा क्रियाशिल जनशक्तिको व्यवसायिकता अभिवृद्धि गर्ने सम्बन्धमा कानूनी व्यवस्था गर्न आवश्यक रहेकोले विधेयक ल्याइएको मन्त्री शाहले बताए ।
