दैलेख । पश्चिम दैलेखको ठाटीकाँध गाउँपालिका – १, सिराडी ग्वालिपिन्नमा गएराति तीन महिनाको शिशु बेपत्ता भएका छन । गएराति ९ बजेतिर स्थानीय बमबहादुर बुढाकी छोरी श्रीया बुढालाई अपहरणशैलीमा बेपत्ता पारिएको हो ।
उक्त शिशु तीन महिना अगाडि जन्मिएको हो । बमबहादुरका दाजु दीपक बुढाका अनुसार घरमा सबै सुतिसकेका बेला घर पछाडीको रुखमा राखेको खरमा आगो लाग्यो । उक्त कुरा सुरुमा कसैलाई पत्तै थिएन ।
माथिल्लो घरका मान्छेले देखेर खबर गरे, उनी भन्छन्, त्यसपछि बच्चाको आमा, बुबादेखि सबै जना आगो निभाउन गए ।´
लगत्तै घरमा आउँदा बच्चा नभएको उनले बताउनुभयो । उहाँका बुझाइमा बच्चालाई लिनमा लागि कुनै समुहले खरमा आगो लगाएको र निभाउन गएको मौकामा बच्चा उठाएर भागेको शंका छ ।
बेपत्ता पारिएको बच्चासँग अर्का छोरा पनि साथमा सुतेको थियो । आउँदा ठुलो बच्चा सुतिरहेकै भएपनि सानो बच्चा नभएको उनले बताए।
घटना लगत्तै स्थानीयले ठाटीकाँध प्रहरी चौकीमा खबर गरेका थिए । रातिनै प्रहरी त्यहाँ पुगेर खोजतलासी गर्दा कुनै क्लुु पत्ता नलागेको जिल्ला प्रहरी कार्यालय दैलेखमा प्रहरी प्रमुख सुनिल दाहालले बताए ।
अचम्म लाग्दो घटना भयो उनले भने, `अहिले पुनस् त्यहाँ प्रहरी परिचालन गरियको छ।´
परिवारले बच्चा खोजी दिनका लागि सामाजिक सञ्जालदेखि प्रहरीमा आग्रह गरेका छन्।
दैलेख राती सुतेको समयमा ३ महिनाको शिशु बेपत्ता
दीपज्योति खबर
।
२८ चैत्र २०८१, शुक्रबार ०९:५२
