कालिकोट । नेकपा (एकीकृत समाजवादी)पार्टी का अध्यक्ष तथा पूर्वप्रधानमन्त्री माधवकुमार नेपाल कालिकोटको रास्कोट पुग्ने भएका छन ।
नेकपा (एकीकृत समाजवादी) पार्टी कालिकोट जिल्लाको दसौं जिल्ला अधिवेशनमा चैत ३० गते रास्कोटमा उद्घाटन गर्न अध्यक्ष नेपाल पुग्ने भएका हुन ।
जिल्ला अध्यक्ष चित्रसिंह गाउँलेका अनुसार पार्टी अध्यक्ष नेपाल साथै उपाध्यक्ष प्रकाश ज्वाला, सचिव चन्द्रबहादुर शाही, प्रदेश अध्यक्ष ठगेन्द्र प्रकाश पुरी लगाएतको उपस्थिति रहने बताउनुभयो ।
अधिवेशनको तयारी अन्तिम चरणमा पुगेको र उद्घाटन समारोहमा कलाकार विपना सिंह, चर्चित देउडा खेलाडी शंकर मल्ल, परिलाल विक, सुनसरा शाहीका साथै सांस्कृतिक प्रस्तुति र झाँकीहरू रहने जनाइएको छ।
उद्घाटन समारोहमा जिल्लाभरिबाट ४ सय प्रतिनिधि र कम्तीमा २ हजार शुभेच्छुकहरूको उपस्थिति रहने पार्टीको दाबी छ।
