सुर्खेत । प्रमुख प्रतिपक्षी दल नेकपा माओवादी केन्द्र कर्णाली प्रदेश संसदीय दलका नेता राजकुमार शर्माले केन्द्र देखि प्रदेशका सरकारहरू पिपलपाते भएको टिप्पणी गर्नुभएको छ ।आइतबार वीरेन्द्रनगरमा आयोजित प्रेस सेन्टर नेपालको तेस्रो अधिवेशनमा बोल्दै उहाँले यस्तो बताउनुभएको हो ।
राजनीतिक अस्थिरता धेरै भयो, सरकारहरू जता हावा चल्यो उतै ढल्कने पिपलपाते भए, उहाँले भन्नुभयो, यसले धेरै समस्या निम्त्याएको छ। अहिलेको आवश्यकता आर्थिक सम्पन्नता भएको बताउँदै शर्माले आर्थिक सम्पन्नता र समाज वर्गविहीन नबनेसम्म सबै पार्टी तथा सङ्गठनको आवश्यकता भइरहने बताउनुभयो । त्यो कुरा पुरा भएमात्र पार्टी र सङ्गठनको आवश्यकता समाप्त हुने उहाँले बताउनुभयो ।
आवश्यक भएसम्म सुदृढ तरिकाले जनताको पक्षमा काम गर्नुपर्ने पनि शर्माको भनाइ छ । दिगो विकासको लक्ष्यअनुसार काम नहुँदा कर्णालीसहित देश नै पछि परेको पनि उहाँले बताउनुभयो । कर्णाली समृद्धिको अभियानमा लागौँ भन्दा कुरा मिलिरहेको छैन, उहाँको भन्नुभयो ।
