अछाम । अछाममा मरेको कुखुराको मासु खाएपछि बिरामी भएका एक किशोरको मृत्यु भएको छ । परिवारका अन्य तीनजना सदस्य बिरामी भएका छन् ।
मृत्यु हुनेमा कमलबजार नगरपालिका(३ बयलाका १५ वर्षीय कमल बिकको आइतबार उपचारका क्रममा मृत्यु भएको जिल्ला प्रहरी कार्यालय अछामले जनाएको छ ।
बिकले शुक्रबार स्थानीय मासु पसलबाट मरेको कुखुराको मासु ल्याएर खाएका थिए । कुखुराको मासु खाने मृतककी हजुरआमा ७० वर्षीय नाम बिक, उनकी १४ वर्षीय नातिनी सीता बिक र नाति ९ वर्षीय विकास बिक पनि बिरामी भएका हुन । उनीहरूको जिल्ला अस्पतालमा उपचार भइरहेको छ ।
घटनापछि अनुसन्धानका लागि प्रहरीले मासु पसललेलाई नियन्त्रणमा लिएर थप अनुसन्धान भैरहेको जनाएको छ।
