कालीकोट । खुलालु हिल्सा कर्णाली करिडोर अन्तरगत बाजुरा जगनाथ वडा नं ५ भुकाखोला नजिक बाइक दुर्घटना हुँदा एक जनाको मृत्यु भएको छ। सान्नीत्रिवेणी गाउँपालिका वडा नं ८ का २८ वर्षीया खेमराज बुढाको बाइक दुर्घटनामा परेर घटनास्थलमै मृत्यु भएको हो।
कालीकोटको रास्कोटबाट मामा नाता पर्ने बाजुरा जगनाथ गाउँपालिका वडा नं ४ निबासी खडकबहादुर भण्डारीलाइ पुर्याउन जाने क्रममा बाइक चालक बुढाको दुर्टनामा भइ मृत्यु भएको हो।
बाजुराका प्रहरी नायव उपरीक्षक दिलिपकुमार गिरीले बुधबार राति ९ बजेतिर दुर्घटनामा परेको भए पनि अपठेरो भीरबाट तीन सय मिटर तल खोचमा खसेका कारण उद्धारमा ढिलाइ भएको बताताउनुभयो ।
उनले रास्कोटबाट नगर प्रहरी र बाजुरा कोल्टीबाट प्रहरी घटनास्थल गएर उद्धार गरेको बताताउनुभयो। बाइकमा सवार जडिबुटी ब्यवसायी भण्डारी र बाइक भने सडक छेउमै पल्टिएको छ। पछाडी बसेका बाजुरा जगनाथ गापा वडा नं ४ नाराकोटका ३७ वर्षका खडकबहादुर भण्डारीको घुँडामा सामान्य चोट लागेको छ। थप घटनाका विषयमा अनुसन्धान भइरहेको प्रहरीले जनाएको छ।
