जुम्ला । एक सय पचाँस सि सी कालो रङको पल्सर मोटरसाइकल चोरी भएको छ । जुम्लाको तातोपानी गाउँपालिका – ३ का वडा अध्यक्ष गोकर्ण रावलको आफ्नै निवासको आँगनमा पार्किङ गरेर राखेको क.प्र.०१-००१/ ०३७९ नम्बरको एक सय पचाँस सिसि को कालो रङ भएको पल्सर मोटरसाइकल भदौ ४ गते राती चोरी भएको हो ।
घटना भएको राती नै प्रहरीलाई जानकारी हुनासाथ जिल्ला प्रहरी कार्यालय जुम्लाबाट विभिन्न ठाउँहरुमा चेक पोइन्ट समेत राखी प्रहरी परिचालन गरी खोजतलास गर्दै जाने क्रममा उक्त चोरी भएको मोटरसाइकल भदौ ०५ गते बिहानै ७ बजे चोरी भएको १२ घण्टा भित्र, जुम्ला जिल्ला तिला गाउँपालिका- ३ स्थित धन बहादुर खत्रीको खाली घर अगाडी बेवारिसे अवस्थामा फेला परेको । प्रहरी नायब उपरीक्षक छेदिलाअल कामतीले जानकारी दिनुभयो ।
उक्त मोटरसाइकल चोरी गर्ने व्यक्तिहरुको खोजीकार्य तथा अन्य अनुसन्धान भई रहेको कामतीले बताउनुभयो ।
