कालीकोट । वर्षासँगै आएको हावाहुरीले मकैबालीमा क्षति पुगेको छ । बिहीबार रातिको वर्षासँगै आएको हावाहुरीले शुभकालिका गाउँपालिका–१ छाती गाउँका स्थानीयले लगाएको मकैबालीमा क्षति पुगेको हो ।
गाउँमा हावाहुरीले एक सय ३३ घरधुरीले लगाएको मकैबालीमा क्षति पुगेको छ। पाक्ने बेलाको मकैमा हावाहुरीले क्षति पु¥याएको स्थानीय जवानसिंह सुनारले बताउनुभयो । ‘यहाँ धानखेती हुँदैन, मुख्य बाली मकै हो’ उहाँले भन्नुभयो– ‘हावाहुरीले मकै बाली नष्ट भएपछि किसान भोकमरी हुने चिन्तामा छन् ।’
अहिलेसम्म यहाँका किसानले कृषि बीमा गरेका छैनन् । यहाँको प्रमुख बाली मकै भएकाले हावाहुरीले ठूलो क्षति पु¥याएको शुभकालिका गाउँपालिका–१ का वडाध्यक्ष वीरबहादुर रामजालीले बताउनुभयो ।
‘हावाहुरीले मकै बालीमा ठूलो क्षति पुगेको छ’ उहाँले भन्नुभयो– ‘क्षतिका बारेमा गाउँपालिका तथा विपद् व्यवस्थापन कार्यालयलाई पनि जानकारी गराइएको छ ।’
