कालिकोट / सामाजिक सवालहरुमा जनचेतनामुलक कार्यक्रम सम्पन्न भएको छ । सोसेक नेपालको आयोजनामा खाँडाचक्र नगरपालिकाको समन्वय र एइआएनको आर्थिक सहयोगमा उक्त कार्यक्रम १ नम्बर वडा कार्ययलयको सभाहलमा सम्पन्न भएको हो ।
खाँडाचक्र नगरपालिका १ देखी ५ नम्बर वडामा सोसेक नेपाल द्वारा गठित युवा संजाल ,महिला संजाल र बाल क्लबबाट प्रत्येक समुहका १० जना र अन्य सरोकारवाला निकाय गरि ६० जनाको कार्यक्रममा उपस्थित रहेको थियो।
सो कार्यक्रममा सोसेक नेपाल शाखा कालिकोटका कानुन अधिकृत सरिता विश्वकर्मा र दिपा खत्रीले बाल बिबाह ,बोक्सी प्रथा ,छुवाछूत , महिला हिंसा , डिजिटल हिंसा लगाएत विषयमा सहभागिहरुलाई स्पष्ट पार्दै आफ्नो गाउँ घर टोलमा घटेका घटना र अबको समाधानका बिषयमा कुरा राखेका हुन । कार्यक्रममा सहभागीहरुबाट सुझाव सल्लाह सहित सङ्कलन गरिएको हो । उक्त कार्यक्रमको संचालन रबिन्द्र विश्वकर्माले गर्नुभएको थियो ।
