कालिकोट । कालिकोट जिल्ला, शुभकालिका गाउँपालिका वडा नं. ४ निवासी भिम प्रसाद चौलागाईं (बादल) को दुबै मिर्गौला फेल भई जीवन–मरणको संघर्षमा हुनुहुन्छ। हाल उहाँ काठमाडौँस्थित राष्ट्रिय धर्मभक्त मानव अंग प्रत्यारोपण केन्द्र, भक्तपुर मा उपचाररत रहनु भएको छ। चिकित्सकको सल्लाहअनुसार उहाँलाई तत्काल मिर्गौला प्रत्यारोपण आवश्यक रहेको छ।
कमजोर आर्थिक अवस्थाका कारण प्रत्यारोपण तथा उपचार खर्च जुटाउन परिवार अत्यन्तै कठिन परिस्थितिमा परेको छ। भिम प्रसादको जीवन बचाउन अब सबैको सहयोग अपरिहार्य भएको छ।
तपाईंको सानो सहयोगले पनि एक अमूल्य जीवन बचाउन सकिन्छ। सहयोगस्वरूप संकलित सम्पूर्ण रकम पारदर्शिताका साथ सार्वजनिक गरिनेछ र बिरामीका बुवा नैसिके चौलागाईंलाई बुझाइनेछ।
यस कठिन घडीमा भिम प्रसाद चौलागाईं र उहाँको परिवारलाई आर्थिक तथा नैतिक रूपमा साथ दिन देश–विदेशमा रहनु भएका सम्पूर्ण सहयोगी मनहरूमा हार्दिक अपिल गरिएको छ।
