रुकुमपश्चिम । रुकुमपश्चिममा ट्याक्टर दुर्घटना हुँदा दुई जना घाइते भएका छन् । बुधबार बिहान मुसीकोट नगरपालिका –५ सेरीगाउँमा रा १ त ३७१७ नम्बरको ट्याक्टर दुर्घटना भएको हो ।
जिल्ला प्रहरी कार्यालय रुकुमपश्चिममका अनुसार दुर्घटनामा परी घाइते हुनेमा मुसीकोट नगरपालिका –२ का १८ बर्षिय चालक सागर परियार र वडा नम्बर –५ निवासी ४० बर्षीय हरिचन्द्र केसी रहेका छन् ।
घाइतेको उद्धार गरेर उपचारका लागि जिल्ला अस्पताल सल्ले लगिएको र थप उपचारका लागि सुबिधा सम्पन्न अस्पतालमा रिफर गरिएको छ । दुबै जनाको छातिमा चोट लागेको प्रहरीले जनाएको छ ।
सेरीगाउँस्थित विद्युत कार्यालयनजिक मध्यपहाडी राजमार्गबाट तीन मिटर तल ट्याक्टर खसेको छ । दुर्घटनाको कारण खुलेको छैन ।
