अछाम । अछाममा छाउगोठमा सुतेका दुई जनाको ढुङ्गाले किचेर मृत्यु भएको छ भने एक जना घाइते भएकी छिन्।
जिल्ला प्रहरी कार्यालय अछामका अनुसार पञ्चदेवल विनायक नगरपालिका–८ सेलापानीस्थित चुरखोली टोलकी ३५ वर्षीया निम खनाल र मङ्गलसेन नगरपालिका–६ की सात वर्षीया कविता भण्डारी आज बिहान भीरबाट खसेको ढुङ्गाले किचिँदा घटनास्थलमै ज्यान गुमाएका हुन्।
उक्त घटनामा कविताकी आमासमेत घाइते भएकी छिन्। उनको उपचारका लागि स्थानीय स्वास्थ्यचौकीमा पठाइएको प्रहरीले जानकारी दिएको छ।
घटनाबारे थप अनुसन्धान तथा उद्धारका लागि प्रहरी निरीक्षक टेकबहादुर देउवाको नेतृत्वमा टोली खटाइएको जिल्ला प्रहरी कार्यालय अछामका प्रमुख, प्रहरी नायब उपरीक्षक ओमप्रकाश खनालले बताए।
