कपिलवस्तु । कार दुर्घटना हुँदा दुई नेपालीको मृत्यु भएको छ । तिहारको भाइटीका मनाउन भारतबाट नेपाल आउँदै गरेको भारतको पन्जाब राज्यबाट बढ्नी नाका हुँदै घर फर्किरहेको पि बि १० जेएन ६१९९ हुण्डाई कार र युपी ४७ टी २७०३ नम्बरको रोडवेज बस एक आपसमा ठक्कर खाएको थियो ।
शनिबारभएको दुर्घटनामा परी कपिलवस्तु बाणगङ्गा नगरपालिका–९ बर्दहवाका दिनेश बेल्बासे र गैँडाकोट नगरपालिका–६ का अनिल सापकोटाको निधन भएको थाना पचपेडवा बलरामपुरले प्रेस विज्ञप्तिमार्फत जनाएको छ । कारमा सवार मृतक बेल्बासेका पत्नी शारदा बेल्बासे, बाणगङ्गा नगरपालिका जितपुर नम्बर ४ निवासी टेकबहादुर र उनकी पत्नी धनकला घाइते भएको बलरामपुर प्रहरीले जनाएको छ ।
