सुर्खेत । जाजरकोटमा जिप दुर्घटना हुँदा एक जनाको घटनास्थलमै मृत्यु भएको छ । दुर्घटनामा अन्य १४ जना घाइते भएका छन् ।
मंगलबार खंलगादेखि भेरी नगरपालिका( ६ नेटा बजार जाँदै गरेको ग १ ज ७७११ नम्बरको डबल क्याप बोलेरो जिप दुर्घटनामा परेको हो । दुर्घटनामा भेरी नगरपालिका(६, गंगटियाका ३४ वर्षीय चालक मानबहादुर वलीको मृत्यु भएको हो । दुर्घटनामा एकै गाउँका १४ जना घाइते भएको जिल्ला प्रहरी कार्यालय जाजरकोटले जनाएको छ ।
जिप सडकबाट चार सय मिटर तल खसेको थियो । घाइतेहरूको जिल्ला अस्पताल जाजरकोटमा उपचार भइरहेको छ ।
