दैलेख । पहिरोमा परेर एक जनाको मृत्यु भएको छ । सोही पहीरोमा परी एक जना बालक घाईते भएका छन् ।
मृत्यु हुनेमा दैलेख जिल्लाको ठाटीकाँध गाउँपालिका–२, चौताराका अन्दाजी ५० वर्षीय शेरबहादुर बम पहिरोमा पुरिएर मृत्यु भएको हो ।
बुधबार दिउँसो घर आँगनमा पहिरो रोक्नका लागि भित्ता लगाउँदै गर्दा बमको पहिरोमा पुरिएर मृत्यु भएको हो । सोही पहिरोमा परी उनका ३ वर्षीय नाति प्रवेश बम घाइते भएको जिल्ला प्रहरी कार्यालय दैलेखका सूचना अधिकारी दीपक मगरातीले जानकारी दिए ।
घाईते बालकलाई उपचारका लागि कर्णाली प्रदेश अस्पताल सुर्खेत पुर्याइएको छ ।
