रुकुम पश्चिम । चौरजहारीमा मोटरसाइकल दुर्घटना हुँदा एकजनाको मृत्यु भएको छ। चौरजहारी नगरपालिका–१, लामिछानेगाउँका ३२ वर्षीय चिरन्जिवी लामिछानेको आईतबार बिहान मोटरसाइकल दुर्घटनामा मृत्यु भएको हो ।
जिल्ला प्रहरी कार्यालय रुकुम पश्चिमका अनुसार चौरजहारी बजारबाट घरतर्फ जाँदा लामिछानेले चढेको कर्णाली प्रदेश ०३–००१ प ०४७३ नम्वरको मोटरसाइकल अनियन्त्रित भई दुर्घटना भएको हो ।
दुर्घटना आज बिहान २ बजे भएको र उपचारका लागि चौरजहारी अस्पताल लैजाने क्रममा चिकित्सकले मृत घोषित गरेका थिए। उनको शव पोष्टमार्टमको लागि जिल्ला अस्पताल सल्ले पठाइएको प्रहरीले जनाएको छ।
