जुम्ला । दलित सेवा संघ जुम्ला शाखाको आयोजना र जिल्लाका केही युवाहरूको समन्वयमा भएको जिल्ला व्यापी दलित युवा लक्षित फुटबल खेल प्रतियोगिताको आज चौथो दिनमा चारवटा खेल सम्पन्न भएका छन् ।
चौथो दिनमा चारवटा खेल आज क्वाटर फाइनल खेल भएका छन् । जसमध्ये पहिलो खेल जयबाबिरा युवा क्लब सिंगाचौर र देउती कैलाश युवा क्लब बीच भएको थियो । जसमा देउती कैलाश युवा क्लबले जित हासिल गरेको थियो । त्यसलगत्तै रोयल छिना युवा क्लब र जयशम्भु युवा क्लब बीच भएको थियो जसमा छिना विजय हासिल गर्न सफल भएको छ ।
त्यस्तै डिवाइसी युवा क्लबलाई समाज चेतना युवा क्लब पराजित गरेको छ । भने सेमिफाइनल खेलको लागि देउती कैलाश युवा क्लब कुडारी,लायन युवा क्लब भण्डारीबाडा ,रोयल युवा क्लब छिना ,समाज चेतना युवा क्लब हिँयाखोलाको टिमले प्रवेश गरेका छन् ।
सेमिफाइनलको खेल भोलि कार्तिक २२ गते हुने छ र फाइनल खेल अर्थात् प्रतियोगिताको समापन कार्तिक २३ गते हुनेछ । जिल्लामा पहिलोपटक हुन लागेको यो प्रतियोगिता उदेश्य दलित समुदायका युवाहरू खेल क्षेत्रमा अघि बढाउन र जिल्लामा समग्र दलित समुदायलाई एकताबद्ध गराउन यो खेल विशेषत् आयोजना गरिएको हो ।
