मुगु । मुगुमा बोलेरो जिप दुर्घटना हुँदा एक जनाको मृत्यु भएको छ । बुधबार सोरु गाउँपालिकाबाट सदरमुकाम गमगढी आउँदै गरेको ग १ ज ६४३७ नम्बरको जिप बान्जाँ भन्ने ठाउँमा दुर्घटनामा परेको हो ।
जिल्ला प्रहरी कार्यालय मुगुका अनुसार बोलेरो जिप दुर्घटनमा परि जिपका साहु सोरु गाउँपालिका–३ का ४५ बर्षीय नरबादुर गुमीको मृत्यु भएको छ । उक्त जिप उनी आफैंले चलाएको मुगुका प्रहरी प्रमुख डिएसपी वीरेन्द्र थापाले बताउनुभयो । जिपमा अन्य यात्रु कुनै थिएनन् ।
