जुम्ला । नेपाल निजामती कर्मचारी युनियनको स्थापना दिवसको उपलक्ष्यमा यमराज कार्कीले विद्यार्थीलाई कापी कलम वितरण गरेका छन ।
नेपाल निजामती कर्मचारी युनियनको स्थापना दिवसको उपलक्ष्यमा समाजसेवी साहित्यकार कार्की (जमाफ ) ले जुम्ला खलंगामा रहेको अशोक आधारभूत विद्यालयमा विद्यार्थीहरुलाई कापी कलम वितरण गरेका हुन ।
उनले उक्त विद्यालय पढ्ने एक सय २ जना विद्यार्थीहरुलाई सबैलाई पुग्नेगरि एक कापी एक कलम वितरण गरेका हुन । आफूले गरेको यो सहयोग थोरै भएपनि विद्यार्थीहरुलाई राहत हुने उनको भनाई छ ।
उनी नेपाल निजामती कर्मचारी युनियनका केन्द्रीय सदस्य समेत हुन । धेरै ठूलो सहयोग गर्न नसकिए पनि सानोसानो कुरा सहयोग गर्न पाउँदा पनि खुसी हुन्छुु उनले भने । उनी सामाजिक कार्यमा सक्रिय छन् ।
