सुर्खेत । कर्णाली प्रदेशमा तत्काल युवा नीति लागू गर्ने बताइएको छ। अन्तर्राष्ट्रिय युवा दिवसको अवसरमा सोमबार आयोजित कार्यक्रममा बोल्दै प्रदेश सरकारका सामाजिक विकास मन्त्री घनश्याम भण्डारीले कर्णालीमा युवा नीति आवश्यक रहेको बताएका हुन् ।
प्रदेशमा युवा नीति लागू गरेर विभिन्न रोजगार सिर्जना गरेर कर्णालीमै युवाहरु बस्ने वातावरण बनाउने अभियानको अब सुरुवात भएको उनले बताउनुभयो ।
मन्त्रीले भन्नुभयो ‘सरकारको आन्तरिक आम्दानी कमजोर हुँदा चाहेजस्तो काम गर्न सकिएको छैन,’ ‘संघीय सरकारले दिएको बजेटका आधारमा नीति बनाउनुपर्ने बाध्यकारी अवस्था छ ।’ यौनिक तथा लैंगिक अल्पसंख्यक, दृष्टिविहीन अपांगता लगायतका लक्षित वर्गका व्यक्तिहरुका लागि प्रादेशिक शिक्षा नीतिबाट उचित व्यवस्था हुने पनि उहाँले बताउनुभयो ।
