सुर्खेत । रुकुम पूर्वमा पहिरोमा परी एकजना बालकको मृत्यु भएको छ । पहिरो परि तीन जना घाइते भएका छन् ।
सिस्ने गाउँपालिका–२ दल्लुगैरामा गएराति पहिरो जाँदा गोठमा सुतिरहेका वडा नं १ का कर्णबहादुर बुढाको परिवारका चार जनालाई बगाउँदा ११ वर्षीय सरगम बुढाको मृत्यु भएको हो ।
जिल्ला प्रहरी कार्यालय रुकुम पूर्वका सूचना अधिकारी प्रहरी निरीक्षक हरिप्रसाद भट्टराईका अनुसार बालकका बुबा ४० वर्षीय र आमा ३८ वर्षीया गम्मा बुढा र बहिनी ९ वर्षीया तिलसरा बुढाको अवस्था गम्भीर रहेको जानकारी दिए ।
